ამასწინათ ასეთი ისტორია მოვისმინე.
ტიპმა გადაწყვიტა სახლში შპალერის გაკვრა. ამ დროს გაახსენდა რომ მისმა ძმაკაცმა(რომელიც ზუსტად ისეთივე პროექტის სახლში ცხოვრობდა) სულ ცოტა ხნის წინ გააკეთა რემონტი და ჰკითხა: კონკრეტული ოთახისთვის რამდენი ცალი შპალერი ეყიდა.
პასუხი იყო: ”16 ცალი”.
იყიდა 16 რულონი შპალერი. გააკრა და 5 ცალი დარჩა. დაურეკა ისევ იმ ტიპს და უსაყვედურა: ”16 ცალი ვიყიდე და 5 ცალი დამრჩა.” პასუხად კი მიიღო: ”ხო, 5 უნდა დაგრჩენოდა, მეც 5 დამრჩა.”
___________________________________________________________
პატარა ნიკუშა ნაკულაშვილი, დედიკომ თბილისში წაიყვანა სასკოლედ თანსაცმელების საყიდლად. ნიკუშას თხოვნოთ ე.წ. „ვაგზლის ბაზრობაზე" წავიდნენ ,, მატარებლით". ჩაჯდნენ მეტროში. დიქტორი აცხადებს: შემდეგი სადგური 300 არაგველი, შემდეგი სადგური ავლაბარი, რომ გამოაცხადა შემდეგი სადგური თავისუფლების მოედანიო, ნიკუშამ ვეღარ მოითმინა და მთელი მატარებლის გასაგონად გამოაცხადა: ,,დედიკო რა არის ეს ქალი ჩვენ დაგვდევსო?"
___________________________________________________________
ეს ამბავი ელექტროსაქონლის მაღაზიის ერთმა ყოფილმა თანამშრომელმა მომიყვა. ის კონსულტანტად მუშაობდა.
ერთხელ მათთან მაღაზიაში ერთი გოგონა შევიდა, რომელსაც ციფრული ფოტოაპარატის ყიდვა უნდოდა. მან ძალიან ბევრი უაზრო კითხვა დაუსვა კონსულტანტს. ბოლოს კი თავისი სულელური კითხვების კორიანტელი ასეთი კითხვით დააგვირგვინა:
- ფოტოაპარატს კამერა ხომ მრგვალი აქვს და ოთხკუთხედი სურათები რატომ გამოდის?
___________________________________________________________
ამ ცოტა ხნის წინ ვზივართ სახინკლეში და ლუდს ვსვავთ. ძალზე ზარმაცი მიმტანი შეგვხვდა, ცარიელი ბოთლების წაღება ეზარებოდა. მაგიდაზე საკმაო რაოდენობა დაგროვდა და უკვე ხელს გვიშლიდა. ჩემმა მეგობარმა დაუძახა მიმტან გოგონას და უთხრა:
- ცარიელი ბოთლების წაღება შეიძლება?
გოგონა ცოტა დაფიქრდა და უპასუხა:
- არ არი პრობლემა, წაიღეთ თუ გინდათ.
___________________________________________________________
ერთმა დედამ ასეთი რამ მომიყვა თავის შვილზე.
ერთხელ ღამით თავისი 9 წლის ბიჭი აღვიძებს და ნახევრად მძინარე ხმით ეუბნება:
- დე, წყალი მომიტანე რა.
- ადექი და დალიე!
- მიდი რა დე, მომიტანე რა.
- ახლა თუ არ გაჩერდები ავდგები და ჯოხს მოვიტან და გცემ!
- ჯოხის მოსატანად რომ წახვალ წყალი გამოაყოლე რა…
___________________________________________________________
თბილისში ერთი პატარა მაღაზიაა (თქვენის ნებართვით ადგილს არ დავაკონკრეტებ). ამ მაღაზიაში იყიდება ოფისისთვის საჭირო ნივთები, მათ შორის კარტრიჯები პრინტერისთვის.
ფანჯარაზე შესაბამისი სარეკლამო წარწერაც აქვს.
ერთხელ შევედი ამ მაღაზიაში, ვდგევარ ვათვალიერებ. ამ დროს ბიჭი შემოვიდა და იკითხა:
- ქსეროკოპიებს ხომ არ იღებთ?
გამყიდველმა გოგონამ გაღიზიანებულმა ამცნო:
- არ ვიღებთ! კარზე შესაბამისი განცხადებაც არის გამოკრული!
გამყიდველი გოგონას ტონზე მივხვდი, ხშირად აწუხებენ ამგვარი კითხვით.
გარეთ გამოვედი. კარს შევხედე. მართლაც, გაკრული იყო დიდი ასოებით ამობეჭდილი განცხადება.
”ქსეროქსი არ გვაქვს!”
ერთი კვირის შემდეგ შემთხვევით გავიარე ამ ქუჩაზე და თვალი იმ კარისკენ გამექცა. იმ განცხადების ქვეშ კიდე ერთი განცხადება გაეკრათ. მთლიანობაში ასე გამოიყურებოდა.
”ქსეროქსი არ გვაქვს!”
”არც გვქონია და არც გვექნება!”
ათიოდე დღის მერე კიდე ერთი განცხადება იყო დამატებული და უკვე ასეთი სახე მიეღო:
”ქსეროქსი არ გვაქვს!”
”არც გვქონია და არც გვექნება!”
”არ ვიცით ახლომახლო სადმე არის თუ არა!”
ორი კვირის მერე კვლავ ჩავიარე იმ მაღაზიასთან. ვხედავ სამივე განცხადება ჩამოუხსნიათ და მის ნაცვლად ერთი განცხადება იყო გამოკრული, რომელიც იუწყებოდა:
”ქსეროქსი 1 ფურცელი 2 ლარი”
___________________________________________________________
ახალგაზრდა ბიჭი კაფეში ზის, ყავას სვავს და გვერდით მაგიდაზე მჯდომ გოგოს უყურებს. თან ფიქრობს, მივიდეს გასაცნობად თუ არა. ბოლოს, როგორც იქნა, გადაწყვეტს და მივა:
_ გოგონი, შეიძლება თქვენთან დავჯდე?
გოგონამ მაღალი ხმით, მთელი კაფის გასაგონად:
_ რაა? რას კადრულობთ? მე ბოზი და "პროსტიტუტკა” არა ვარ! მე პატიოსანი გოგო ვარ!
მთელმა კაფემ ამათ დაუწყო ყურება.
ბიჭი მოულოდნელობისაგან უხერხულ მდგომარეობაში ჩავარდა, დაიბნა, ხმა ვეღარ ამოიღო, წავიდა და თავის ადგილას დაჯდა.
ცოტა ხანში ბიჭის მაგიდას იგივე გოგონა მიუჯდა:
_ მაპატიეთ, ასე რომ მოგექეცით, მე ფსიქოლოგი ვარ, შევისწავლი ადამიანების რეაქციას არაადეკვატურ სიტუაციებში.
უცებ, ბიჭი, მთელი კაფის გასაგონად:
_ რაა? რამდენი? შენ რა გაგიჟდი,რა 200 დოლარი?
© By DeVrIsA
